Gunnar Dal

Líf þitt er orðið
eintómir ferhyrningar
eins og skákborðið.

Kyrrstæðir punktar,
tilvera sett í skorður
skilgreininganna.

Hann sýnist rauður.
Hann drekkur í sig allt ljós,
nema hið rauða.

Eðli sannleikans
í veröld sem sífellt breytist?
Óskilgreinanlegt.

Við komum hingað
og það sem skipti máli
bíður okkar hér.

Himinninn svartur.
Hið hvíta skínandi ljós:
Græn jörð, blár himinn.

Mér finnst það mjög gott
að skoða sumt í nálægð,
annað úr fjarlægð.