Gjöfin

Gjöfin 

Ég veit ekki hvort þú hefur,
huga þinn við það fest.
Að fegursta gjöf sem þú gefur,
er gjöfin sem varla sést. 

Ástúð í andartaki,
augað sem glaðlega hlær.
Hlýja í handartaki,
hjartað sem örar slær. 

Allt sem þú hugsar í hljóði,
heiminum breytir til.
Gef þú úr sálarsjóði,
sakleysi, fegurð og yl. 

Úlfur Ragnarsson

Litla bókin um ZEN

í þýðingu Gunnars Dal

Allt sem er
í þessum alheimi okkar

kemur frá því

sem ekki er.

Þegar þú skilur undrið mikla,

rót alls sem er,

verður þú eins og það

og þarfnast einskis framar.

Taó Te Ching

Þegar ekkert
er í huga þínum
og hugur þinn
er ekki bundinn
við neitt,
þá fyllist tóm þitt
af undrinu mikla.
To-shan / Tokusan

Dalai Lama

Stundum þegar ég hitti gamlan vini minnist ég þess hversu hratt tíminn líður.  Þá velti ég því fyrir mér hvernig við notum tímann.  Það er mikilvægt að nýta hann vel.  Á meðan við höldum líkama okkar og því undri sem mannsheilinn er, telst hver mínúta dýrmæt.  Vonin er fjörgjafi hversdagsins þótt við höfum enga tryggingu fyrir framtíðinni.  Við göngum ekki að því vísu að við verðum hér á sama tíma á morgun.  En við vinnum að því á grundvelli vonarinnar.  Við verðum því að nota tímann eins vel og við getum.  Ég held að við nýtum hann rétt með því að þjóna öðrum skynverum.  Ef ekki, verðum við að minnsta kosti að forðast að gera þeim mein.  Ég held að þetta sé undirstaða heimspeki minnar. Íhugum hvað gefur lífinu gildi og merkingu og forgangsröðum í samræmi við það.  Við verðum að hafa jákvæðan tilgang með lífinu.  Það er okkur ekki meðfætt að vilja valda vandræðum eða gera öðrum mein.  Eigi líf okkar að hafa gildi verðum við að þroska með okkur grundvallarkosti – hlýju, velvild, samhygð.  Þá fær líf okkar merkingu, það verður friðsælla – hamingjusamara. 
***************************************************
 Við ættum því að nálgast aðra af opnum hug og líta á hvern og einn sem aðra mennveru, nákvæmlega sömu gerðar og við sjólf.  Munurinn manna á milli er ekki svo mikill. 
***************************************************

Hjónaband

Á milli þess sem við rífumst og elskumst
erum við ekkert
fljótum í tilbreytingarlausu jafnvægi

mér finnst svo gaman að pirra þig smá
bara til að geta sagt
-fyrirgefðu ástin mín
svo elskar þú mig enn meira en nokkurntímann áður
þegar þú brosir til mín og faðmar mig að heita líkamanum með traustu höndunum
Ég elska ástina sem sést í augunum þínum þegar þú fyrirgefur

Lukka

Gæt vel þessa dags...

Gæt vel þessa dags.
Því gærdagurinn er draumur
og morgundagurinn hugboð
en þessi dagur í dag
sé honum vel varið
umbreytir hverjum gærdegi
í verðmæta minningu
og hverjum morgundegi
í vonarbjarma.
Gæt þú því vel þessa dags.

 

Dagurinn í dag
er dagurinn þinn..
Þú getur gert við hann
hvað sem þú vilt.

 

Gærdaginn áttir þú.
Honum getur þú ekki breytt.
Um morgundaginn veist þú ekki neitt.

En daginn í dag átt þú.
Gefðu honum allt sem þú megnar
Svo einhver finni í kvöld
að það er gott að þú ert til.

 A. Rosenbladt

 

Í dag

Dagurinn í dag
er dagurinn þinn..
Þú getur gert við hann
hvað sem þú vilt.

Gærdaginn áttir þú.
Honum getur þú ekki breytt.
Um morgundaginn veist þú ekki neitt.

En daginn í dag átt þú.
Gefðu honum allt sem þú megnar
Svo einhver finni í kvöld
að það er gott að þú ert til.

 A. Rosenbladt